過冬環境接近完成時，冬天亦接近尾聲

iamnero

第一個冬天。
我份人成日手痕，攪攪震，改下呢度整下個度，好可能我仲未攪過癮，冬天就已經過完。

以下系頭先剛影既相。

因為木箱太貴，通風採光較差；而爬箱就（個人認為）比較雞肋，價錢唔貴又唔平，保溫一般般通風又一般般size都一般般。最終用左矮身膠箱，價錢極平，通風採光極佳，面積都夠大（70cm*40cm）雖然保溫能力幾乎為零但香港既冬天對紅腿來講并不太凍。

P.S. 個人認為通風與採光系頗被忽視但其實好重要的影響龜的活力與健康既兩個因素。因大部份飼主所使用既人造光源系照明度與光譜方面都與陽光相差甚甚遠，木箱中基本上系一個昏暗而色彩怪異既世界，（個人認為）龜長期生活系其中會變鈍變懶。而良好既空氣流通系杜絕病害既重要保障——（個人認為）導致龜生病的根本原因唔系溫差/低溫，溫差/低溫只會導致抵抗力下降，造成病菌入侵既{機會}；而系空氣流通較差既空間中，龜既排泄物與底材、濕氣系病菌&蟲既最佳溫床，龜隨時受到病菌既威脅，因此染病概率會高。通過我自己隻龜既情況來睇，系較凍既天氣下，日夜溫差10度以上/夜晚氣溫十幾度都安然度過，無鼻水無爛屎無病，只系活力較差，排便週期長左好多。當然，這只是一個個體。若前輩們有其他個案分享，在此先謝過。


講返我個箱。

熱/亮區并無特別之處，瓷磚、大水盆（面積大約=兩隻龜）、射膽連光暗制。射膽下方好溫暖，隻龜可以系個度攤成個鐘都唔想走。夜晚我會成盆水倒落塊瓷磚度，等距吸飽水，日間受射膽照射再慢慢釋放水分，多餘既水就會將冷區既苔蘚浸濕。

冷/暗區DIY左少少保溫措施：一塊亞加力膠版蓋住，膠版下方黏一塊加熱墊（個人認為將加熱墊擺系底材下既方式唔太適合陸龜），膠版上方再蓋一塊厚毛巾。甘樣有個相對封閉&保溫既區域，加熱墊甘樣用法加溫能力甚微，但保溫保濕效果唔錯。另外，深筒反光燈罩入邊系個夜燈，夜晚開住，斜射入冷區，底材既溫度可以維持系27度左右。冷區既濕度一直保持系70左右，我偶然會將底材噴濕少少，另外每晚從瓷磚個邊流過來既水（我倒水浸瓷磚）都足夠保持底材濕潤。

尚欠缺既
1.UVB燈，因我隻紅腿會躲避較亮、較高色溫既光線，因此暫時未有使用UVB膽既好方法。我可能會唔用UVB，改成得閒曬下太陽，并系食物中添加D3（含D3糧、粉，肉類）。
2.底材厚度唔太夠，遲D會系苔蘚下加1-2cm既陶粒與紅土或墊塊椰棕墊（買燈座既贈品，未到貨，未知效果如何）。
3.夜燈W數可再細D，燈罩可換淺D既。目前夜晚既溫度我覺得略高左D。

器材簡介
膠箱：約70cm*40cm*15cm，透明，$70
亞加力膠版：訂造，約$30
射膽：75W鹵素燈，約$40
夜燈：100W藍紫膽，月$70
加熱墊：28cm*40cm
溫控：STC-400，可接3個電器，3個都可定時開關，其中2個可以分別設定溫度；可設定溫度回差；有超溫上下限報警
瓷磚：天臺有好多
深筒反光燈罩：$115
光暗制燈座：論壇某師兄自己駁既，$20

個箱擺系衣櫃頂，剛好系我視平線既高度

星仔

回復 iamnero 的帖子

喂,,,我想問,,,

你用水苔,,,但係如果個D屎屎尿尿,,,有味點算?

iamnero

隻龜極少極少系底材中排便……我見到有屎會執出來。底材若有異味我會清洗/更換
其實用左幾個月，未試過底材中有異味，可能因為通風好，尿液好快蒸發

星仔

回復 iamnero 的帖子

OIC,,,,唔該晒=]

ashbone

很好既分享

zero322

我同你差一樣唔同
就係我重用緊泥

同龜數目不同

dereklambchop

唔錯的分享！

iamnero

分享下啦

iamnero

你真系水王……

ashbone

水王？有問題？