|
|
马上注册，结交更多爬友，享用更多功能，让你轻松玩转社区。
您需要 登录 才可以下载或查看，没有账号？立即注册
x
我見喔排雖然係冬天但都仲有好多人入新既龜..最佩服既係好多都係新手..真係嚇死人..叫佢地冬天唔好入.佢地就好似收到指示馬上去入..咁又難怪既..D龜咁可愛..我都忍唔到手又入多左兩隻..好啦..唔入都入左..希望你地會好好珍惜自己既龜龜啦..以下係一D 冬天基本可以比龜龜生存到既設備...
首先係一個爬箱啦..如果係隻細龜(4~16CM左右,,)通常都可以用一個24吋既缸打天下.如果地方有限就最好養星龜啦..大得慢..基本上就19吋箱已經OK..價錢由4XX~2XXX都有..視乎SIZE,質料同配置而定.木通常就貴好多..
講底材啦..其實真係有N咁多種..牧草/耶粒/樹皮/耶泥/木粒/草粒/ 以最小塵同會唔會誤食作為考慮因素.所以D龜友十個有9個都會叫人唔好用栗米沙.咁我通常選擇樹皮/牧草既(有有話樹皮太大塊..咁你可以選擇耶粒既)底材最好就要厚番小小..等佢可以捐入去
就後就係燈啦.咁小弟就好簡單嫁姐..兩支燈打天下..一支係UVB啦(早上用8個鍾=曬太陽15分鍾.所以我夏天多數拎佢去曬太陽)..另一支就係陶瓷燈(主要係同黎保溫,19吋以下就用50W.19~24就75W已經OK啦).(咁相應就應該要有兩個燈罩/1燈罩一燈座)由於冬天好凍啦(好癈話)咁我早上就會兩支燈開晒.夜晚就只係用陶瓷膽黎保溫..(咁做就可以拎早上比夜晚熱啦..)有D人會買埋UVA既..咁你地自己決定啦..
咁你想清楚知道箱入面係幾多度就加個溫濕計..一般要將溫度KEEP係30度以上 濕度就50~80都OK既..睇番你果隻係咩龜啦..
食方面啦..咁用普通既野裝住就OK..食物盆15~75都有..咁係材就 車前草 蛇舌草係一個唔錯既選擇黎既...旺角街市有得賣..自己搵啦..咁如果真係冇既菜心 介(難)都OK既..洗完菜記得整番乾,.唔係就有機會令隻龜肚柯..我通常會比D龜龜食菜溝牧草粉(買包牧草用攪拌機打碎)有時小時就整粒M糧.牧草糧...咁有D人都會比水果糧OR其他..糧可以比D幼龜吸收多D營養令佢大得快D..因為細龜以死..所以有D養星既老手會係咁比糧谷到佢離開5CM~7CM勁易死既楷段(聽講有80%咁多)所以新手就養8~10CM好啦..如果係同我一樣係養豹龜既朋友就要小心啦..佢D腸胃真係好差..同埋BB龜果陣佢腸入面D益菌唔夠..所以我會買多支BAC比佢..一星期一次左右啦..如果我記得既話..
我為左方便,浸水我買左個膠盒仔.(魚街十幾蚊個果D)浸水果陣就放隻龜入去..之後放番入龜箱唔好比佢凍親..
基本既器才就係咁多啦...夠晒佢地過喱個冬天..想更加了解就去論壇睇多D文章啦..你會學到好多野.. |
|
发表于 2012-1-22 11:08:57
楼主