我唔係高手, 只係養左一隻亞達4個月, 呢度有7-8位龜友都有養達, 而且佢地有1~5隻, 你耐心等多陣啦, 佢地會答你的。
比我答小小先, 亞達係非洲~印度洋 海島龜, 不能夠如非洲龜一樣咁養法. 達B濕度最少要保持60%以上, 最高不能超過85%. 低過50~60%,亞達BB會成日飲水/流眼水, 高過85~90%會呼吸困難/爛甲/爆原蟲/肺炎.
飲水盤要大, 要常滿, 亞達會常用鼻去飲水、又常all 尿. 尿有少少押, 亞蒙尼亞 味, 由於尿多, 飲水多, 濕度偏高, 所以見唔倒尿酸, (尿酸係水溶性的,但要好高比例既水份才能溶解尿酸), 由於尿多, 而且身體結構上制造 尿酸:亞蒙尼亞 的比例低. 所以你就見不到尿酸, 也不用擔心排酸問題, 但記住BB達一定要濕度偏高, 提供好多水比佢飲!!!
可以同紅腿暫時同住, 因大家要求濕度差唔多, 但係你隻紅腿幾舊水, 而亞達依家要2皮幾, 驚紅腿傳染寄生蟲、原蟲、呼吸道菌等等..... 我係你就放2隻紅腿落面盤住住先喇. 而且...雖然達B好大隻,但好細膽&怕事, 我驚2隻紅腿會咬佢(我隻豹B曬太陽時發現都會去咬阿達!)、蝦佢、令達B不安,跟住可能會爆原蟲而死!!!!
各位阿達高手, 講錯勿插... |
发表于 2012-1-19 11:11:04
楼主
