|
|
发表于 2011-12-29 02:58:30
|
显示全部楼层
我覺得對新手最攞命既係:
你會發現, 個個人都有唔同既, 而又相反既意見!!
就算係唔同既舖頭老闆, 都有唔同既意見!!
以下係我收集返黎既真實對話:
有D出名既老闆話: "豹龜BB唔浸得水ga, 會死架! 一星期最多浸一次好喇"
有D老闆話: "豹龜BB 2日浸一次"
有網友話: "豹龜BB 1日浸一次"
有網友話: "我D豹龜BB 1日浸2次, 如果唔係會脫水死架"
有網友話: "豹龜BB 唔好浸咁多, 會引發爆原蟲"
有繁殖人話: "豹龜BB唔好太濕, 好多病"
有老闆話: "豹龜中意乾燥, 千祈唔好高濕度, 40-50%好喇"
有網上人話: "豹龜要好乾燥, 因為原生地好乾燥"
有網上人話: "但係豹龜BB反而要好高濕度, 唔係就會脫水呀, 仲有就係結石問題, 豹太乾都會有尿酸架"
有網上人話: "豹龜BB係要高濕度, 但太高會有呼吸道疾病, 會肺炎架!"
有D老闆話: "豹龜要食水份少既菜"
有D老闆話: "豹B要食多水份既菜補水份呀!!"
有日本龜書話: "箱養既豹龜要好多水份, 所以要比多水份既菜佢食!"
有網友話: "豹龜千祈唔好食多水份既菜, 會肚all 架!!"
有人話: "豹B食菜, 間間舖頭都係餵菜ga la!!!"
有D老闆話: "豹B食菜, 食好多唔同既菜, 食雜佢, 咁就OK"
有D老闆話: "豹B食菜+水果糧 最好呀"
有出名既老闆話: "癡線架, D網上白痴自己種草餵龜, 或俾龜BB食車前草? 草粉? 點夠營養? 點消化啊? 我淨係知車前草係用黎褒涼茶既"
有人話龜BB最好食糧
有人話龜BB最好食草
有人話龜BB最好食自己種既草, 小麥草...alfalfa...安全好多, 冇農藥...
有人話龜BB最好食野草, eg 車前草....等等
有人話龜BB最好食: 草+糧
有爬醫話龜BB最好食: 10%~30%菜+70%~90%糧
有人話龜BB最好食: 一半菜+一半糧
有人話龜BB 食糧或菜 唔好, 會隆背、起釘呀!!!
有人話龜BB唔杜得蟲, 會死.
有人話 "我D龜從來唔杜蟲, 寄生蟲有益生長,腸胃平衡"
有人話 "我D龜一返黎就杜曬所有蟲及原蟲, 之後就冇左腸胃問題"
有人話 "我定期杜原蟲"
咁你話, 你會信邊個? 如果你一時信果個, 一時信呢個, 改黎改去, 你隻豹龜BB一定好快玩完!!!
新手完全冇經驗, 冇呢方面既知識或常識, 而 網上、養了龜幾十年既前輩們、網友們、有經驗既高手們、老闆們、養龜書籍、等等, 都無法達成一個 共識 或 共同 養豹龜既正確方法, 個個人都有自己一套"成功方法", D新手真係好慘.... |
|
楼主
