關於對底材既意見

kitman1990

我轉用好多種底材，由最差既粟米沙到而家用樹皮。又見間中有人問底材既問題，想係一個帖中，講講我用過所有底材既意見。

粟米沙:
無錯係方便易於清理，且本身無味。但有爬文既CHING C姐都知，龜龜係有機會誤食，食左係消化唔到，積係腸入面，咁樣係對龜龜唔好! 為左龜龜著想，都係不用為妙。

草粒:
本身係無咩味，但一吸水後，就會變成粉狀，為左龜龜呼吸系統著想，就要勤換底材。如果係一個不怕麻煩既主人，呢個係不錯既選擇。但而家到冬天，多數同龜龜保溫時，相對濕度就係較底，但又唔可以直接噴水係底材到，要另外諗方法去保濕。另外，就算龜龜誤食底材，都會消化到，唔會停留係腸內。最後，我龜龜比較中意爬，佢日日都要將D底材爬係水盤到，日日同佢清，都幾煩。

麥粒:
除左本身有一大陣麥味之外，其他方面同草粒差無幾。但係麥味唔係個個人都接受得來，以我及我家人黎講，我覺得佢係幾臭嫁!重好反對我用。

膠塾:
好在係本身無味，而且係方便清洗，龜龜痾左龜龜用水洗塾就乾淨，又唔怕龜龜會誤食。因為係我觀察下佢地係唔食!(PS:我已經用綠危既塾)但係膠塾有一個問題，就係好吸味! 好易吸左龜龜D屎屎尿尿味!而且佢係唔吸龜龜D尿尿，要日日抹龜箱。最後，膠塾係冇保濕能力黎提高相對濕度。

報紙:
好處係方便，報紙係有吸水能力可以吸尿。龜龜大小二便後，換一張新OK哂，而且報紙便宜，如果平時屋企買報紙睇，拎黎用就得。但係，報紙本身有油墨，如果唔小心龜龜D食物放左係報紙上，龜龜又食落肚，睇落對龜龜無咁好。最後，報紙係冇保濕能力黎提高相對濕度。噴水係報紙到，又好影令報紙變得容爛。

樹皮:
我只係用過ZOOMED既樹皮，我自己覺得幾好用。一來樹皮本身個味似果皮味，我唔覺得臭；二來龜龜將底材爬去水盤到，拎返出黎就得，唔洗又要洗盤，又要裝過D水；三來樹皮保濕能力幾高，係我開左洶瞻都KEEP到60%，四來要保濕可以噴水落樹皮到黎KEEP。但係我聽到有CHING講返，樹皮有機會野到一D白色虫虫，我諗到都幾嘔心。我試過用前用熱水"碌"過，諗住咩虫虫都死哂喇，再吹乾黎用。係就係麻煩在呢一下，但我覺得都算唔錯，幾好用呀!

以上係我用過既底材，加我所見龜龜用到點既後感。
以下既我係未用過，只係將其他CHING既說既打返出黎。

椰泥:
聽說保濕能力幾好。但龜龜愛爬，龜龜有機會玩到自己成身都係泥，要幫龜龜清潔身上既泥。而且龜龜有機會爬到一個個洞，要整返好佢，都幾麻煩。

紅土:
可以幫龜龜磨指甲，又算方便清理，可能直接噴水保濕。但聽到其他CHING講比較難搵到黎買，多數要係淘寶買返黎用。

以我所知係咁多...加上係我爬文同使用後感。
如有錯誤，請指教，我再去改!

東南

非常好的分享

Star

我都鐘意樹皮,但獸醫話其實樹皮得個靚字同都有油,用報紙會好d...冇塵,方便清理又衛生...

ashbone

誠意分享

kongisaac

好的分享!!!!!!

kitman1990

回復 Star 的帖子

我用100度既熱水"6"左先用...
就係怕有塵...同有虫~
墨呢樣野....聽你講先知LU~

spar0123

樹皮用微波爐叮叮佢 可以防蟲嗎……？

kitman1990

回復 spar0123 的帖子

呢個我唔知WO...
我只可以講微波係震動(水)份子黎整熱D野...
PS:我唔記得係份子定水份子~

re5075

我用過粟米沙,牧草,膠塾,樹皮
依家用緊椰泥,因為冬天關係,可以比龜龜挖洞保暖,另keep濕都不錯,但龜龜成日都有泥痴住

kitman1990

回復 re5075 的帖子

我就係怕煩...
怕要成日同龜龜洗身 又要整返佢爬既洞...