偏食的問題

肥仔熙

我一路以為我隻豹仔係有病！最初我一路以為佢唔適應，所以每日訓得好多，食得好少野，
唯有觀察啦，一直保持無變過，但只選食菜唔得架，唯有開始溝糧，佢依然只係選擇食菜，而且有糧的菜仲只食幾口就去訓，見佢三、四日無正經食過野，心軟咪又比條淨油麥佢，點知一下子食左半條，個日仲周圍走左成個鐘，真吹脹！
咁我究竟可以點樣引佢食糧？無菜比佢食連身都唔肯起，我可以點呢？佢本身有無可能有蟲？我應該可以點杜？

Norrishill

覺得有問題，　可以拎去睇醫生ＣＨＥＣＫ清楚。

freemankapo

我隻豹都係唔肯食野...
初時以為佢便秘...影響食慾...
但係e家屙到又唔多食...
連菜都一啖起兩啖止...
最鍾意食1粒水果糧就走去訓...
真係無辦法...唯有睇住佢訓...

烏龜的

餓佢係一個好方法!
狠心三日 必有改善!
我隻都係咁!

Bonbon

有時真係好硬頸ga，我d豹就乜都食，
但隻盾唔食就係唔食，體重一直下降，仲以為佢有病，
但之後試下比d生菜、油墨就食到不停，
真係無計，而家唯有加少少呢d菜再加M糧囉！

kongisaac

覺得有問題，　可以拎去睇醫生ＣＨＥＣＫ清楚

kongisaac

有時真係好硬頸ga，我d豹就乜都食，
但隻盾唔食就係唔食，體重一直下降，仲以為佢有病

freemankapo

我隻已經絕食左4日...真係令人擔心...

kongisaac

好可憐!!

Johannchan

好多人以為 "餓佢幾日" 係最好既方法.

係! 如果你隻龜健康冇病, 呢個係最好既方法!!!

但係如果你隻龜有 呼吸道疾病 或 爆緊原蟲, 你餓佢 反而害死佢!!!  (冇足夠維他命、蛋白質及脂肪會降低抗病能力!)

而且D賣龜老板, 包括白髮都同我講過, 病龜餓2-3日完全冇問題, 但餓4-5日之後再要佢開口就有困難!!  小心.

病龜在佢病果時,都會食小小自己中意既食物, 養過寵物既人都明白呢個道理, 包括人病左都係咁.

所以最好都係比超人、白髮、論壇醫神Windleave、或者醫生 睇睇你隻龜有冇病.  又或者,有理冇理都杜左原蟲及寄生蟲先...

我D龜初初都係同你一樣, 我聽人講"餓佢地幾日啦", 我就把心一橫, 出trip 去外國8日, 叫屋企人淨係餵糧, 唔餵菜, 點知返黎後都唔肯食!!!  我就即刻強餵杜蟲及杜原蟲藥, 第二日就開始食返野, 跟住日日都食糧, 我隻盾由65g 肥到124g!!!

記住: 健康既龜會好大食, 你唔比佢菜, 佢就狂食糧, 如果冇糧連屎都食!!!   唔健康既龜淨係食小小自己中意既食物+狂訓.