小弟只係養左阿達2年. 由9.5cm, 317g, 養到35cm, 13000g.
我個人意見, 用膠盤養, 或用狗籠養, (最好放養), 等空氣高度流通, 阿達會從空氣中吸取水份. 白天用Zoomed powersun太陽燈, 夜晚用陶瓷膽. 阿達中意熱點31-33度、冷點20-22度、平均26度、濕度70-85%, 唔好過90% -會腐甲!
提供好多好多水份, 大水盤, 水果(間中, 要視乎大便軟硬), 因為阿達係海島龜, 冇酸, 所以要好多水份去代謝同埋排尿素! 水份唔夠會中尿毒. 總之要多水多濕, 咁就唔會隆背起釘.
要多D帶佢曬太陽, 同埋散步,做運動.
食物盡量多元化, 蔬菜, 車前草, 水果, 紅蘿蔔, 主糧係龜糧(M糧 & 草糧). 我隻達最中意食: 提子、香蕉、木瓜、柑. 但要注意大便不能太軟, 最好食香蕉, 對大便都靓D. 千祈唔好加維他命粉, 會中毒, 糧已經有好多維他命.
如果唔想佢大得太快, 隔日餵, 或者每日餵小小.
阿達在12-15cm前都會底甲好軟, 我查過書係正常. 但最好曬多D太陽, UVB, 食多D龜糧 及 墨魚骨.
阿達4-6日柯一次大便, 日日柯尿.
阿達好為食, 經常連底材、樹皮都食入肚, 所以我唔用底材, 你可以用磁磚反轉. BB達日日浸一次暖水, 大左就兩日浸一次.
日日放佢出黎廁所, 佢會在廁所柯尿, 4-6日柯一次屎. 阿達有潔癖, 所以唔會在籠中大小便. 只會在散步時或在廁所柯.
記住放墨魚骨入籠, 佢口痕就會咬, 阿達要好多鈣的. 唔使加鈣粉, 佢好憎鈣粉. BAC可加可唔加, 食物多元化, 益生菌自然就會多. |
发表于 2013-3-7 23:47:04
楼主